DNS е телефонскиот именик на интернетот: го претвора vasdomen.mk во адреса на сервер. Не мора да сте техничар, но овие пет записи вреди да ги знаете — еден ден ќе ви ги побараат.
Петте записи што ги среќавате
- A запис — го врзува доменот со IP адресата на серверот. „Каде живее сајтот.“ Кога менувате хостинг, се менува токму овој.
- CNAME — прекар: покажува кон друго име, не кон IP. Класика: www → главниот домен. Или поддомен кон надворешен сервис.
- MX — каде оди е-поштата. Ако сајтот е кај нас, а поштата на Google Workspace — MX покажува кон Google, A запис кон нас. Затоа сајтот и поштата можат да бидат на две места.
- TXT — текстуални потврди: SPF (кој смее да праќа од вашиот домен), DKIM, и потврди на сопственост (Google, Facebook)
- NS — кој сервер воопшто ги држи вашите записи. Ова се менува при преселба на цела зона.
Каде се менуваат
Кај местото каде е доменот (регистрар) или кај хостингот, ако тој ги држи имињата: cPanel → Zone Editor. Ако не знаете кај кого се — прашајте нè, се гледа за секунда.
Зошто чекате (TTL и пропагација)
Промената не е моментална: серверите низ светот ја памтат старата вредност онолку време колку што вели TTL (пр. 4 часа). Затоа велиме „до 24 часа“. Трик: намалете го TTL на 300 секунди ден пред планирана промена — тогаш преселбата е скоро моментална.
Најчестите грешки
- Промена на A запис без да се исклучи прокси (пр. Cloudflare) — доменот покажува на старо иако сте сменеле
- Заборавен MX при преселба — сајтот работи, поштата исчезнува. Ова боли најмногу.
- Два SPF записа — не смее; се спојуваат во еден
- www без CNAME — сајтот работи без www, а со www дава грешка
Пред секоја преселба
Запишете ги сите тековни записи (или направете screenshot на Zone Editor). Тоа е петминутна работа што спасува ден паника.
Кај нашите клиенти преселбата ја водиме ние — со планирање на TTL и проверка дека поштата не паѓа ни минута.