Ако имате само една алатка за сајтот, нека биде оваа. Google Analytics кажува што прават луѓето КОГА ќе дојдат; Search Console кажува како Google ве гледа и зошто воопшто доаѓаат — или не доаѓаат.
Поставување (10 минути)
- 1. Одете на search.google.com/search-console со вашата Google сметка
- 2. Add property → изберете Domain (го покрива целиот домен, со и без www) или URL prefix (полесно)
- 3. Потврда на сопственост: за Domain — TXT запис во DNS (ние го додаваме за минута, само побарајте); за URL prefix — HTML фајл, мета таг или преку Google Analytics
- 4. Испратете sitemap: Sitemaps → внесете sitemap.xml → Submit
- 5. Чекајте 2-3 дена за првите податоци
Четирите извештаи што вредат
1. Performance (најважниот)
Тука се четири бројки: кликови (колку дошле), прикажувања (колку пати сте се појавиле), CTR (колку % кликнале) и позиција (просечно место). Но вистинската вредност е долу: Queries — точните зборови по кои ве наоѓаат.
Тука ќе видите изненадувања: се појавувате за поими што не сте ги ни планирале. Тоа е златна информација — за тие поими напишете статија и веднаш се качувате.
2. Pages / Indexing
Кои страници Google ги има, а кои ги отфрлил и зошто. Ако вашата важна страница е тука со „Crawled — currently not indexed“, тоа значи дека Google ја видел но не ја сметал за доволно вредна — знак дека содржината е тенка.
3. URL Inspection (алатката за брзање)
Залепете адреса на нова статија → Request indexing. Наместо да чекате недели, Google доаѓа за ден-два. Правете го ова по секоја нова објава.
4. Experience / Core Web Vitals
Брзина и стабилност како што ги мери Google од вистински посетители. Црвено = проблем што влијае на позициите.
Најкорисниот трик
Во Performance филтрирајте: позиција 8-20. Тоа се поими за кои сте „на втора страница“ — најблиску до победа. Малку подобрување на таа статија (подобар наслов, повеќе содржина, внатрешен линк) често значи скок на прва страница. Тоа е најевтиниот SEO што постои.
Што да гледате месечно (20 минути)
- Растат ли кликовите наспроти минатиот месец
- Нови поими во Queries → идеи за следни статии
- Coverage грешки (404, пренасочувања) → поправете ги
- Кои страници носат најмногу → таму дупчете подлабоко
За наши клиенти: Search Console го поставуваме при изработка и ви објаснуваме што гледате.
Сакате сајт со поставено мерење од првиот ден? →
Сајтовите што ги правиме доаѓаат со техничкото SEO решено — брзина, адреси, структурни податоци.
Изработка на сајт →