Сајтот не е слика на ѕид — тој е алатка, а алатката се проверува. Не ви треба аналитичар: ви требаат пет бројки и 20 минути месечно.
Петте бројки
Прочитај и
- 1. Барања (најважната). Колку контакт форми, повици, нарачки. Сè друго е второстепено — ова се пари.
- 2. Посети (Analytics) — расте ли, паѓа ли, наспроти истиот месец лани
- 3. Кликови од Google (Search Console) — колку луѓе ве најдоа со пребарување
- 4. Нови поими (Search Console → Queries) — за што почнувате да се појавувате; тоа се теми за следните статии
- 5. Грешки — 404 страници, паднати линкови, проблеми со индексирање
Проверките (5 минути)
- Отворете го сајтот на телефон — брз ли е, работи ли формата
- Испратете тест барање преку формата — стигна ли, во инбокс или спам
- WordPress: има ли ажурирања на чекање; направен ли е бекап
- SSL — важи ли уште (обично автоматски, но проверката е бесплатна)
- Домен — кога истекува
Едно прашање месечно
„Која страница носи најмногу барања?“ Кога ќе знаете — таму вложувајте: подобар текст, повеќе примери, појасно копче. Повеќето трошат време на страници што никого не интересираат.
Што НЕ треба да гледате
- Bounce rate сам по себе — може да значи дека човекот го нашол одговорот
- Време на страница за телефонски број — тие се добри посети од 15 секунди
- Позиција за еден клучен збор дневно — тоа е нервоза, не мерење
Направете го навика
Ист датум секој месец, 20 минути, запишани пет бројки во ист документ. По три месеци имате нешто што ниту една алатка не ви дава: тренд и вашето сопствено чувство за сајтот.
За клиентите на одржување кај нас ова го правиме ние — и ви праќаме што е сменето и што предлагаме.