Ќе бидеме искрени: над 80% од доцнењата на сајтови не се технички. Дизајнот е готов, кодот работи — а се чека текстот за „За нас“ три недели. Еве што да подготвите за проектот да лета.
1. Текстови (најважното)
Прочитај и
- За нас — кои сте, од кога, што ве прави различни. 150-300 збора, човечки, без „лидери во индустријата“.
- Услуги — по еден пасус за секоја: што опфаќа, за кого е, што добива клиентот
- Контакт — адреса, телефон, е-маил, работно време, ЕДБ и полн назив на фирма
Совет: не барајте совршенство. Пишувајте како што му објаснувате на клиент преку телефон — тоа е најдобриот текст. Ние можеме да го дотераме.
2. Лого и визуелен идентитет
- Лого во векторски формат (AI, EPS, SVG) ако постои; ако не — најголемата слика што ја имате
- Бои на брендот (ако знаете кодови — одлично; ако не, кажете кои ви се допаѓаат)
- Ако немате лого — кажете однапред, тоа е посебна ставка
3. Слики
- Ваши фотографии: работилница, тим, производи, завршени проекти — вреднат повеќе од најубавите платени фотографии
- Ако немате — кажете, ќе користиме лиценцирани
- Не праќајте слики симнати од Google: тоа е туѓ труд и ризик
4. Пристапи
- Домен (ако веќе го имате — кај кого е и лозинка)
- Постоечки хостинг, ако мигрираме
- Google Analytics / Business профил, ако постојат
5. Три референтни сајта
Најкорисната работа што можете да ја дадете: 2-3 сајта што ви се допаѓаат и зошто („ми се допаѓа како се гледаат цените“, „ми е чист“). Плус еден што НЕ ви се допаѓа. Ова заштедува две недели преправки.
6. Одлуки што само вие ги знаете
- Кој е вашиот идеален клиент
- Која е главната акција на сајтот: да ви се јават? да пополнат форма? да купат?
- Дали цените се објавуваат или не
- Кој ќе го одржува сајтот потоа
Реалноста
Сајт со добра структура и вистински текстови победува над скап дизајн со празни ветувања. Материјалот што ќе го подготвите вие е половина од проектот — и делот што никој не може да го направи наместо вас.