Две крајности, обете скапи: „не ажурирам за да не пукне“ (па ве хакираат преку стара дупка) и „кликам Update All“ на живо во петок попладне (па пукне). Средината е систем.
Правилниот редослед
- 1. Копија — фајлови + база. Без исклучок. Пет минути.
- 2. Прво плагини, еден по еден — ажурирајте, освежете го сајтот, проверете; па следниот. Ако пукне, знаете точно кој.
- 3. Потоа темата — ако е менувана рачно, промените ќе се избришат (затоа постои child тема)
- 4. На крај јадрото на WordPress
- 5. Проверка — почетна, контакт форма, кошничка/наплата ако имате продавница
Кога има staging — користете го
Staging е копија на сајтот каде тестирате без ризик. На нашите пакети се прави за минута; ажурирате таму, проверувате, па ги префрлате промените. За продавници ова не е луксуз — тоа е стандард.
Автоматски ажурирања: да или не
Безбедносните мали ажурирања на јадрото — да, оставете ги вклучени. Големите верзии и плагините — рачно, кога вие сте пред екран, не во 3 наутро. Автоматско ажурирање на сè на продавница е рецепт за изненадување во недела.
Ако пукне
Не паничете: вратете ја копијата (или деактивирајте го последниот плагин преку File Manager) → сајтот се враќа. Потоа истражувајте на staging.
Ритам
Еднаш неделно е доволно за повеќето сајтови. Продавници — почесто. И секогаш прочитајте што менува ажурирањето ако плагинот е клучен (наплата, достава).
Кај нас: ажурирања, staging, копии и мониторинг влегуваат во пакетот за одржување — вие не мора ни да мислите на ова.