Колку чини онлајн продавница во Македонија — реални опсези

„Колку чини онлајн продавница?“ — најчестото прашање, со најнеискрените одговори на пазарот. Еве реална слика, без магла.

Што ја одредува цената

• Број и сложеност на производи — 30 производи со прости варијанти ≠ 3.000 со величини, бои и залихи
• Дизајн — прилагоден шаблон е побрз и поевтин; уникатен дизајн чини повеќе, а брендирање (лого, бои) уште
• Наплата — само „плаќање при достава“ е едноставно; картички преку банка (CaSys/cPay) бара интеграција и тестирање
• Интеграции — карго служби, фактурирање, залихи од друг систем

Ориентациски опсези на пазарот

Основна WooCommerce продавница (готов шаблон, до 50-ина производи, без картички) најчесто е во долниот опсег; средна (уникатен изглед, картички, фактури) — среден; а поголеми системи со интеграции одат значително нагоре. Точна бројка без разговор е маркетинг, не понуда — затоа кај нас цената ја гледате однапред: онлајн конфигуратор каде штиклирате што ви треба и цената се пресметува пред очи.

Трошоците што се забораваат

• Хостинг и домен (годишно) — мали, но постојани
• Одржување и ажурирања — продавница без одржување е ризик
• Провизии на банката по трансакција — прашајте пред да изберете банка
• Внес на производи — договорете КОЈ ги внесува и колку

Како да не преплатите

Барајте специфицирана понуда (што точно влегува), сопственост врз сè, и фазен пристап: тргнете со суштинското, надградувајте од приход.

Пресметајте ја цената во конфигураторот →